៣- បានប្រាក់ខែ តែជីវិតត្រូវអស់៣០ថ្ងៃ

មានមនុស្សច្រើនអ្នកណាស់ ដែលធើ្វការមានប្រាក់ខែហើយតែងតែ

ទន្ទឹងរង់ចាំថ្ងៃដាច់ខែ ដើម្បីនឹងបានបើកប្រាក់។ នៅក្នុងសេចក្ដីនេះ

គេមិនបានគិតដល់ជីវិត ដែលត្រូវបាត់បង់ទៅអស់ ៣០ថ្ងៃនោះឡើយ។

ជីវិតកាន់តែខិតជិតទៅរកសេចក្ដីស្លាប់ ឬសេចក្ដីស្លាប់កាន់តែខិត

ចូលមកជិត។ បានប្រាក់មកមែន តែជីវិតត្រូវរបេះខាត ។ ជីវិតថ្លៃ

ពេលពន់មហាសេដ្ឋី មហាមូលធន ក៏គ្មានអ្វីធានាជីវិតខ្លួនបានដែរ

ដល់ពេលស្លាប់គឺស្លាប់ហើយ ប្រសិនបើធានាដោយទ្រព្យអ្នកមាន

ទ្រព្យមិនព្រមស្លាប់ឡើយ ដូច្នេះ ជីវិត ៣០ថ្ងៃមិនមែនមានតម្លៃស្មើ

នឹងប្រាក់ខែនោះទេ អ្នកមានបញ្ញាគប្បីសន្សំនូវប្រយោជន៍ទុកដាក់

ក្នុងចិត្តសន្តាន ទើបបានមិនខាតនូវជីវិតដ៏មានតម្លៃនេះ ។

១នាទី មានប្រយោជន៏

ស្រង់ចេញពី៖ សៀវភៅ មេរៀនជីវិត