៨៣- ទំនៀមរបស់ពូជ ដូចទំនៀមកម្ម

ការធើ្វល្អជាតួនាទីរបស់អ្នកដែលស្រឡាញ់អំពើល្អ តែការឲ្យផល
ល្អយ៉ាងណានោះ ជាតួនាទីរបស់កម្ម បុគ្គលមិនអាចបង្ខំតាមចិត្ត
ចង់បានឡើយ ។

ប្រៀបដូចការធ្វើស្រែដូច្នោះដែរ ភ្ជួររាស់ដកស្ទូងជាតួនាទីរបស់អ្នក
ស្រែ ឯការចេញកួរឲ្យផល វាជាតួនាទីរបស់ដើមស្រូវ អ្នកស្រែយំ
អង្វរដោយការប្រញាប់ចង់បានស្រូវយ៉ាងណា ក៏ដើមស្រូវមិនអាច
បញ្ចេញកួរមកបានដែរបើនៅមិនទាន់ដល់ពេលទេនោះ។

ក្នុងរឿងអ្នកចម្ការ ក៏មានទំនងដូចគ្នា បុគ្គលដាំពូជបែបណា

ក៏រមែងបានទទួលផលបែបនោះ ទោះជាប្រែក្លាយក៏មិនមែន
ស្វាយទៅក្រូចនោះទេ ហើយក៏មិនអាចអង្វរករសូមដូរផ្លាស់
ឱ្យផលខុសពីពូជដើមនោះបានឡើយ ។

១នាទី មានប្រយោជន៏

ស្រង់ចេញពី៖ សៀវភៅ មេរៀនជីវិត