៨៥- ទ្រុស្ដសីល ទ្រុស្ដសុខសីលសែនស័ក្តិសិទ្ធិ

បុគ្គលអ្នកទ្រុស្ដសីលគឺជាអ្នកប្រៀតបៀនខ្លួនឯងដោយពិតព្រោះ
ការទ្រុស្ដសីលគឺជាតួកម្មអាក្រក់ ជាធម្មតានៃកម្មអាក្រក់វាមិនមែន
ឱ្យផលល្អដល់អ្នកធើ្វឡើយ ។

អ្នកទ្រុស្ដសីលគឺជាចោរ តែជាចោរដែលធើ្វនូវសេចក្ដីវិនាសឱ្យ
ដល់ខ្លួនឯង ដូចដើមឈើដែលត្រូវវល្លិជ្រៃរួបរឹត ។

អ្នកមានសីលគឺជាអ្នកមាននូវវត្ថុដ៏ស័ក្តិសិទ្ធិអស្ចារ្យ៖
-សីលលាងជម្រះនូវមន្ទិលសៅហ្មងក្នុងចិត្ត ដែលមន្ទិលសៅហ្មង
នេះ មិនអាចលាងជម្រះបានដោយទឹកទន្លេគង្គាជាដើមបាន
ឡើយ។
-សីលកម្ចាត់បង់នូវអន្តរាយខាងក្នុង ដែលជាអន្តរាយដ៏ក្រៃលែង
អន្តរាយនេះមិនអាចកម្ចាត់បង់បានដោយអំណាចមន្តវិជ្ជាការ
ណាៗទាំងអស់ ។

១នាទី មានប្រយោជន៏

ស្រង់ចេញពី៖ សៀវភៅ មេរៀនជីវិត