៤០- ការទូន្មានចិត្ត ពិតជាកំពូលកិច្ច

ពេទ្យប្រាប់ឱ្យយើងឧស្សាហ៍ហាត់ប្រាណ ដើម្បីសុខភាពរបស់
កាយ ត្រូវព្យាយាមរាល់ៗថ្ងៃ ។

ក្នុងព្រះពុទ្ធសាសនា បានប្រាប់ឱ្យយើងឧស្សាហ៍ព្យាយាមហ្វឹកហាត់
អប់រំចិត្ត ដើម្បីសុខភាពផ្លូវចិត្ត។ ការហ្វឹកហាត់ចិត្តមានច្រើនវិធី
តែវិធីដែលល្អជាទីបំផុតគឺធើ្វសមាធិនិងវិបស្សនា គួរព្យាយាម
រាល់ថ្ងៃ ។

សុខភាពផ្លូវកាយមានឧបការៈដល់រូបរាងកាយ យ៉ាងណា សុខ
ភាពផ្លូវចិត្តក៏មានគុណមានឧបការៈដល់ចិត្តវិញ្ញាណយ៉ាងនោះ
ដែរ ។

ចិត្តមនុស្សយើង មានសេចក្ដីសំខាន់ដល់សុខទុក្ខក្នុងជីវិតប្រចាំ
ថ្ងៃរបស់យើងខ្លាំងណាស់ មិនគួរឱ្យរំលងនូវការហ្វឹកហាត់អប់រំ
ផ្លូវចិត្តនេះឡើយ ចិត្តដែលហ្វឹកហាត់អប់រំបានល្អហើយ រមែង

នាំសេចក្ដីសុខមកប្រគល់ឱ្យចិត្តដែលហ្វឹកហាត់បានល្អ មាន
តម្លៃដ៏ក្រៃលែងបំផុតក្នុងជីវិតមនុស្ស ។

១នាទី មានប្រយោជន៏

ស្រង់ចេញពី៖ សៀវភៅ មេរៀនជីវិត