កូនមាសឪពុក(បញ្ចប់)

៚ស្រឡាញ់កូនគ្រប់វេលា

សូម្បីតែកូនចម្រើនធំធាត់ពេលវ័យ មាននូវភរិយាស្វាមីទៅ
ហើយក៏ដោយ ក៏នៅក្នុងក្រសែភ្នែករបស់ឪពុកម្ដាយគឺកូន
នៅជាក្មេងជានិច្ច…
គឺជាក្មេងក្នុងសេចក្ដីដឹងខ្លួនរបស់ឪពុកម្ដាយ ដែលឪពុក
ម្ដាយមានតែការស្រឡាញ់និងអាណិតអាសូរប៉ុណ្ណោះ
ជាក្មេងដែលឪពុកម្ដាយចង់តែទូន្មានប្រៀបប្រដៅជាដរាប
ជាក្មេងដែលឪពុកម្ដាយត្រូវដាស់តឿននៅពេលធើ្វខុសនិង
ជាក្មេងដែលឪពុកម្ដាយហួងហែងរហូត។

—————————-៚—————————-

៚អ្នកឱ្យជីវិតដល់កូន

ឪពុកម្ដាយ គឺជាអ្នកប្រគល់ជីវិតឱ្យដល់កូនធើ្វឱ្យកូនបាន
បើកភ្នែកឃើញនូវលោកនេះ រួចហើយឪពុកម្ដាយបានការពារ
ភយន្តរាយ មិនឱ្យមានមកដល់កូនឡើយ… រហូតដល់កូនបាន
ធំពេញវ័យ ឪពុកម្ដាយព្យាយាមសាងនូវអនាគតដ៏ល្អឱ្យដល់
កូនសព្វគ្រប់ប្រការ មាតាបិតាជាព្រះនៅក្នុងផ្ទះប្រាកដមែន។

—————————-៚—————————-

៚មិនអាបដិសេធបាន

ជីវិតកូនដែលជាប់ដោយខ្យល់ដង្ហើមចេញចូលនេះកូន
មិនអាចបដិសេធបានថា មិនមែនជារបស់ឪពុកម្ដាយនោះ
ឡើយ ព្រោះកូនមិនអាចបាននូវជីវិតនេះមកទេ បើប្រាស
ចាកម៉ែឪទៅហើយនោះ ដូច្នេះទើបមាតាបិតាសមគួរនឹង
បានទទួលគ្រឿងសក្ការបូជាអំពីកូនដោយពិត។

—————————-៚—————————-

៚យកចិត្តទុកដាក់ជាមួយព្រះក្នុងផ្ទះ

មនុស្សយើងមានព្រះនៅក្នុងផ្ទះគ្រប់គ្នា អ្នកខ្លះមានឪពុក
អត់ម្ដាយ អ្នកខ្លះនៅសល់​ម្ដាយអត់ឪពុក អ្នកខ្លះទៀតមាន
ជោគល្អ គឺនៅមានទាំងឪពុក នៅមានទាំងម្ដាយ។
កូនត្រូវយកចិត្តទុកដាក់ មើលថែទាំងអ្នកមានគុណឱ្យបាន
ល្អ បើមិនដូច្នោះទេ វានឹងហួសពេល ព្រោះទម្រាំតែនឹករលឹក
ឃើញថា ត្រូវយកចិត្តទុកដាក់ថែទាំនោះ លោកទាំងពីរអាច
បាត់ខ្លួនពីក្នុងលោកនេះរហូតទៅហើយ។

—————————-៚—————————-

៚សំណូមពរចុងក្រោយ

កូនមាសឪពុក សូមកូនជួយឱ្យឪពុកម្ដាយបានសម្រេច
បំណង ដែលជាទិសដៅនៃការអប់រំចិញ្ចឹមកូន គឺសូមឱ្យ
កូនបានជាមរតកដ៏សំខាន់បំផុត ជាមរតកដែលឪពុកនិង
ម្ដាយរបស់កូន ប្រគល់ឱ្យដល់ប្រទេសជាតិ និងពិភពលោក។

កាលបើឪពុកម្ដាយបំពេញតួនាទី របស់ម៉ែឪបានសម្រេច
ដោយកូនមាសឪពុកជាមនុស្សល្អហើយ ឪពុកនិងម្ដាយ
របស់កូនក៏មាននូវសេចក្ដីសុខ ព្រោះសមតាមបំណង
ដែលបានគិតទុកតាំងពីកូននៅក្នុងផ្ទៃម្ល៉េះ និងម្យ៉ាងទៀត
ម៉ែឪសប្បាយចិត្ត ត្រង់ដែលមានអ្នកបន្តវង្សត្រកូលដ៏ល្អ
គឺមាននូវចំណេះដឹង​និងមានការប្រព្រឹត្តយ៉ាងរៀបរយ។

ឪពុកសូមយកចិត្តដ៏បរិសុទ្ធស្មោះ មកឱ្យពរដល់កូនសូម
ឱ្យតទៅ កូនទាំងឡាយបាននូវទាយាទដ៏ល្អ ប្រព្រឹត្តតាម
ស្នាមដ៏ប្រពៃជាបន្តទៅទៀត នេះជាសច្ចវាចា។
ពីឪពុករបស់កូន…

—————————-៚—————————-

កូនមាសពន្លក

-កូនសម្លាញ់ម្ដាយកុំរៀនស្ដីជេរ កុំពោលកាច់គេណាមាសកូន
អើយបើមានសំណួរណាពុំគួរឆ្លើយ ឪកូនប្រាប់ហើយឆ្លើយត្រឹម
ញញឹម។
-បណ្ដាំឪកូន ក.ខ នាំមុខ ក ជួរក្រោយទុកឱ្យកូនសង្ឃឹមម៉ែ
ស្រឡាញ់កូនឥតមានអ្វីផ្ទឹម ពុកកូនសង្ឃឹមតែងជួយរំលឹក។

ក- កូន មាសស្ងួន នួនមាសឪពុ ក
ខ- ខាន ជួបមុខ ពុកម៉ែ សែននឹ ក
គ- គិតដល់កូនរាល់ពេលល្ងាចព្រឹ ក
ឃ- ឃើញបាយទឹកនឹកកូនពន់ពេ ក។
ង- ងុយ យប់ជ្រៅ ទៅដេកពុំល ក់
ច- ចិត្ត វី វក់ ម្ដាយ កូន ទឹកភ្នែ ក
ឆ- ឆាប់ មក ពៅ កុំនៅ យូរពេ ក
ជ- ជួបជជេក ម្ដាយចង់ យល់ភក្រ្ត។
ឈ- ឈប់ ឆេវឆាវ ទៅពៅ ពន្ល ក
ញ- ញាតិ រាប់ រក ញញឹម រាក់ ទាក់
ដ- ដឹងគុណទោសចេះស្គាល់ជ្រៅរាក់
ឋ- ឋិតថេរ ជាក់ គ្មានអ្នក អន់អា ក់។
ឌ- ឌឺ ដៀមដាម នេះ នាំ ឈឺ ចុ ក
ឍ- វឌ្ឍនៈ សុខ កុំ បី ថ្នាំង ថ្នា ក់
ណ- ណែ នាំ ផ្លូវ ម៉ែ ឪ ទុក ដា ក់
ត- តាម បុណ្យសក្តិ កុំស៊ីលួចលា ក់។
ថ- ថែ ទាំ ខ្លួន នួន មាស ឪ ពុ ក
ទ- ទៅ ថ្ងៃ មុខ ពុក ម៉ែ ពឹង អ្ន ក
ធ- ធនធានមានញាតិហ៊ានពឹងពា ក់
ន- នាំ ឱ្យ អ្នក រុង រឿង អនេ ក។
ប- បើ បាត់ មុខ បាត់ ឱ្យ គេ នឹ ក
ផ- ផឹក ត្រឹម ទឹក ស្មារតី ល្អ ឯ ក
ព- ពាក្យពិសពុល នាំឈ្លោះប្រកែ ក
ភ- ភ័យអស់អែក ព្រោះតែបែកបា ក់។
ម- មិន ផឹក ស៊ី កុំ សង្ឃឹម ពេ ក
យ- យប់ចូលដេក កុំភ្លេចទុកដា ក់
រ- រៀនរកស៊ី កុំហ៊ាន ហួសប្រា ក់
ល- លុយជំពាក់ តែងនាំ ទឹកភ្នែ ក។
វ- វ័យសិក្សា រៀន ឱ្យជាក់លា ក់
ស- សូមឱ្យអ្នក ចេះគិត វែកញែ ក
ហ- ហាត់សូមត្រធម៌មុនចូលដំណេ ក
ឡ- ឡើង ពី ដេក កុំនៅ សំកុ ក។
អ- អស់ ពី ឪ ពៅ ត្រូវ លៃល ក
ក.ខ. យក មក រស់ជុំ អ្នកស្រុ ក
ក. ជួរក្រោយនៅ ត្រូវចាំពាក្យពុ ក
ត ទៅថ្ងៃមុខ កាន់តែ លំបា ក។

ដោយឧបាសក គុយ សុធន។

ដកស្រង់ចេញពី៖ សៀវភៅកូនមាសឪពុក