៦៩- មនុស្សមានចិត្តខ្ពស់ មិនឱ្យជម្លោះរីករាលដាល

មនុស្សយើងដែលនៅរួមគ្នាក្នុងសង្គម រមែងមានចិត្តមិនស្មើគ្នាឡើយ
មានឥន្រ្ទិយទន់ខ្សោយជាងគ្នា។ មនុស្សខ្លះមានកិលេសស្រាលស្ដើង
ខ្លះទៀតកិលេសក្រាស់ ។

មនុស្សខ្លះសុភាពរាបសា ខ្លះទៀតច្រងេងច្រងាងច្រឡើសបើស
ដោយអំណាចនៃកិលេស ទើបមានការប្រព្រឹត្តប៉ះពាល់ដល់អ្នក
ដទៃ ។ល។

អ្នកបដិបត្តិធម៌ ទើបត្រូវមានសេចក្ដីអត់ធន់ ដែលជាគុណជាតិ
ដុតនូវកិលេស អត់ធន់ចំពោះពាក្យសម្ដីចាក់ដោតពាក្យទ្រគោះ
បោះបោក ខ្វះការគោរពជាដើម ។

អ្នកបដិបត្តិធម៌ មិនប្រាថ្នាឱ្យជម្លោះរីករាលដាលដល់ពួកខណៈ
ឡើយ ត្រូវបានពន្លត់ត្រឹមខ្លួនឯង ។

១នាទី មានប្រយោជន៏

ស្រង់ចេញពី៖ សៀវភៅ មេរៀនជីវិត