៦៦- យ៉ាងណាៗ សម្រេចនៅលើចិត្ត

ចិត្តរបស់មនុស្ស សំខាន់សម្រាប់មនុស្សខ្លួនឯងណាស់មានតម្លៃជា
ទីបំផុត ត្រូវថែទាំឱ្យក្រៃលែង។

មនុស្សនឹងទៅជាបុគ្គលយ៉ាងណា គឺស្រេចហើយតែចិត្តរបស់គេ
នោះឯង តួយ៉ាង ព្រះសិទ្ធត្ថ ដែលក្រោយមកបានជាព្រះសម្មាសម្ពុទ្ធ
ក៏ព្រោះមកអំពីព្រះទ័យរបស់ព្រះអង្គដែរ ។

មនុស្សធម្មតា តែក្រោយមកបានក្លាយជាព្រះអរហន្តជាទីគោរពបូជា
នៃមនុស្ស និងទេវតាទាំងឡាយ ព្រោះចិត្តរបស់លោកប្រាសចាក
កិលេស រីឯមនុស្សមានមុខមាត់ស្អាតបាតខ្លះ តែជាទីរង្កៀសដល់
មនុស្សទាំងឡាយ ព្រោះចិត្តអាក្រក់ ហើយធើ្វអាក្រក់ និយាយអាក្រក់
ទៅតាមចិត្តដែលអាក្រក់ហ្នឹងឯង ។

១នាទី មានប្រយោជន៏

ស្រង់ចេញពី៖ សៀវភៅ មេរៀនជីវិត