៥១- មិនមែនមានប្រាក់មានអ្វីៗគ្រប់យ៉ាងនោះទេ

មិនមែនមានប្រាក់អាចមាននូវអ្វីៗគ្រប់យ៉ាងនោះទេដូចជា មិនចាស់
មិនឈឺ មិនស្លាប់ មិនព្រាត់ប្រាស មិនមានអកុសលវិបាក មានតែ
កុសលវិបាកជាសុខតែម្យ៉ាង ជាដើមប៉ុន្តែ បើមានគុណធម៌ក្នុងចិត្ត
សន្ដានផង សូម្បីមិនមាននូវរបស់នោះៗ ក៏សុខចិត្តដែរ ។

ក្នុងជីវិតរាល់ថ្ងៃ ត្រូវប្រើប្រាស់គុណធម៌ច្រើនណាស់ទើបបានសុខ
មានជាអាទិ៍ដូចជាសេចក្ដីអត់ធន់ក្នុងការរង់ចាំអត់ធន់ទទួល
អនិដ្ឋារម្មណ៍ទាំងពួង មានសេចក្ដីសន្ដោសចេះព្រមចេះល្មម មាន

ស្មារតីភ្លឺស្វាង និងមាននូវបញ្ញាកាត់បង់នូវសេចក្ដីប្រាថ្នាផ្សេងៗ
ដោយដឹងថា (អ្វីៗមានហេតុទើបកើតឡើង អ្វីដែលមិនមានព្រោះ
អត់ហេតុ) មិនមែនចេះតែអន្ទះសាបង្ខំចង់បាននោះឡើយ ។

១នាទី មានប្រយោជន៏

ស្រង់ចេញពី៖ សៀវភៅ មេរៀនជីវិត