៤២- ចិត្តស្រោបដោយបុណ្យសានគុណបានងាយ

ដូចម្ដេចបានជាមនុស្សខ្លះល្អបានដោយងាយ ឯមនុស្សខ្លះទៀត
ល្អបានដោយកម្រ ?

បើមិនមែនព្រោះអាសវក្កិលេស (គ្រឿងសៅហ្មងមានរាគៈទោសៈ
មោហៈជាដើមដែលដេកត្រាំក្នុងសន្ដានចិត្ត) ឬព្រោះបារមី
(សេចក្ដីល្អពិតក្នុងការកម្ចាត់កិលេស) ដែលម្នាក់ៗធ្លាប់បានសន្សំ
ទុកមកទេ តើនឹងឱ្យយកអ្វីមកជាចម្លើយក្នុងរឿងនេះ ដើម្បីឱ្យ
ជាក់ច្បាស់ទៅបានក្នុងសេចក្ដីនោះ ។

មនុស្សខ្លះហ៊ុមព័ទ្ធចិត្តដោយគុណធម៌ជានិច្ច ដូច្នេះចិត្តរបស់
គេទើបជាចិត្តមាននូវគុណធម៌ ។ មនុស្សខ្លះហ៊ុមព័ទ្ធចិត្តរបស់
ខ្លួនដោយភាវៈអាក្រក់ ទើបជាមនុស្សអាក្រក់បានដោយងាយ។

១នាទី មានប្រយោជន៏

ស្រង់ចេញពី៖ សៀវភៅ មេរៀនជីវិត