៩៦- ជីវិតគឺពិតជាអនត្តា

ជីវិតគឺជាការប្រជុំព្រមដោយខន្ធទាំង ៥ មានការសន្មតទៅតាមអត្តភាព

ភពភូមិកំណើត ថាជាសត្វ មនុស្សទេវតា មារព្រហ្ម ។

នៅក្នុងព្រះអដ្ឋកថាបដិសម្ភិទាមគ្គ ភង្គានុបស្សនាញាណនិទ្ទេស
បានសម្ដែងបញ្ជាក់ច្បាស់លាស់ ៖

ខន្ធា និរុជ្ឈន្តិ ន ចត្ថិ អញ្ញោ ខន្ធាន ភេទោ មរណន្តិ វុច្ចតិ តេសំ
ខយំ បស្សតិ អប្បមត្តោ មណីវ វិជ្ឈំ វជិវេន យោនិសោ ។

ខន្ធទាំងឡាយរមែងរលត់ មិនមានអ្វីដទៃ (គឺមិនមានសត្វបុគ្គល)
ការបែកធ្លាយនៃខន្ធ លោកហៅថា មរណៈបុគ្គលមិនប្រមាទ
ឃើញការអស់ទៅនៃខន្ធទាំងនោះ ដោយយោនិសោមនសិការ
(គឺការធើ្វទុកក្នុងចិត្តត្រូវតាមទំនងហេតុផល) ដូចជាងកែវមណី
យកចិត្តទុកដាក់ចោះកែវមណីដោយកែវវជីរគឺពេជ្រ ដូច្នោះឯង។

១នាទី មានប្រយោជន៏

ស្រង់ចេញពី៖ សៀវភៅ មេរៀនជីវិត