៤១- កូនមាសឪពុក

 បើអ្នកដទៃធើ្វខុសមកលើកូន ចូរកូនកុំយកកំហឹងទៅទប់ទល់
ឱ្យសោះ កូនត្រូវឱ្យអភ័យ ហើយត្រូវសម្លឹងទៅរកសេចក្ដីល្អ
របស់គេឱ្យបានច្រើន បើកូនរកអំពើល្អរបស់គេមិនឃើញទេ
កូនត្រូវតែអាណិតគេ ព្រោះគេកំពុងតែមានគ្រោះកាច ។

ចូរកូនមាសឪពុកចាំទុកថា៖
*គេមានផ្នែក ប៉ែកមិនល្អ កូនកុំឃ្នើស
កូនត្រូវជ្រើស រើសយកស ល្អគេមាន
ជាប្រយោជន៍ ហោចប្រកាន់ ឆ្ពោះនិព្វាន
ខុសប៉ុន្មាន ជាបាបគ្រោះ របស់គេ ។

៚ការគ្រប់គ្រងចិត្តនាំមកនូវសេចក្ដីសុខ ។

ដកស្រង់ចេញពី៖ សៀវភៅកូនមាសឪពុក