៧៩- រកសុខខ្លួនឯង ដោយឱ្យសុខគេ

ការស្វែងរកសេចក្ដីសុខ ដែលគួរឱ្យតិះដៀលក៏មានដែលគួរឱ្យ
សរសើរក៏មាន ។ ការស្វែងរកសេចក្ដីសុខដើម្បីខ្លួន ដោយការ
ផ្ដល់ប្រគល់នូវទុក្ខភ័យឱ្យអ្នកដទៃ វាគួរឱ្យតិះដៀលណាស់ តែ

បើមិនបង្កទុក្ខភ័យឱ្យអ្នកដទៃទេ ជាការគួរឱ្យត្រេកអរ ហើយបើ
ការស្វែងរកសេចក្ដីសុខដើម្បីខ្លួននោះឯងដោយការផ្ដល់ប្រគល់
នូវសេចក្ដីសុខឱ្យដល់អ្នកដទៃ របៀបយ៉ាងនេះគួរឱ្យសរសើរ
មែនទែន ។

អ្នកស្វែងរកសេចក្ដីសុខ ប្រាថ្នាសេចក្ដីសុខដើម្បីខ្លួនដោយការ
បង្កនូវទុក្ខឱ្យដល់អ្នកដទៃ រមែងជាមនុស្សច្របូកច្របល់ទៅ
ដោយពៀរ រមែងមិនផុតចាកពៀរវេរាឡើយ ។

១នាទី មានប្រយោជន៏

ស្រង់ចេញពី៖ សៀវភៅ មេរៀនជីវិត