១៩-កូនមាសឪពុក

នាទីដែលកូនត្រូវបដិបត្តិចំពោះអ្នកដទៃជាទូទៅដោយការ
ឱ្យនូវទឹកចិត្តល្អស្មោះរបស់កូន៖
១.កូនត្រូវសម្លឹងមើលមនុស្សគ្រប់គ្នា ដែលបានជួបដោយ
ក្រសែភ្នែកជាមិត្ត។
២.កូនត្រូវចេះញញឹម ឬមានទឹកមុខស្រស់ស្រាយជាមួយ
មនុស្សទាំងឡាយ។
៣.កូនត្រូវចេះសម្លឹងមើលផ្នែគល្អរបស់មនុស្ស កូនត្រូវ
យល់ថា អ្នកដែលបានកើតមកជាមនុស្សសុទ្ធតែជាអ្នក
ធ្លាប់​បានធើ្វល្អ កូនមិនត្រូវមាក់ងាយអ្នកណាឡើយ។
៤.កូនត្រូវចេះគួរសមដោយរបៀបល្អគ្រប់យ៉ាង ដូចជា
ញញឹមរក សំពះ ឱនក្បាលបន្ទន់ខ្លួន… តាមឋានៈរបស់
ខ្លួន និងតាមឋានៈរបស់អ្នកដទៃ។
៥.កូនត្រូវចេះស្ដាប់អ្នកដទៃនិយាយ កុំនិយាយកាត់ដោយ
ឥតរបៀប បើនិយាយ ត្រូវឱ្យមានប្រយោជន៍។
៦.កូនត្រូវចេះប្រើពាក្យទាំងពីរយ៉ាងនេះ ឱ្យជាប្រចាំគឺ
ពាក្យសូមអរគុណ និង ពាក្យសូមអត់ទោស។
៧.កូនត្រូវនិយាយដោយពាក្យសុភាព ពីរោះទាំងចំពោះ
មុខទាំងកំបាំងមុខ។
៨.កូនត្រូវចេះឱ្យកម្លាំងចិត្ត ដោយពាក្យសរសើរជាដើម
ដល់មនុស្សល្អ។
៩.កូនត្រូវចេះនិយាយសរសើរ ក្នុងផ្នែកល្អរបស់​មនុស្សណា
ដែលជាទីស្រឡាញ់​ពេញចិត្តរបស់អ្នកដែលកូនកំពុងតែ
និយាយជាមួយ ជាការសរសើរពិតៗ។
១០.កូនត្រូវ​ចេះបដិសេធនូវអ្វី ដែលកូនមិនយល់​ស្របតាម
ដោយមិនឱ្យគេខូចចិត្ត។
១១.កូនត្រូវ​រួមសន្ទនាក្នុងអ្វីដែលអ្នកសន្ទនាអាចឱ្យការចេះ
ដឹងមកកូនបាន។
១២.កូនត្រូវយករឿងល្អៗ ឬរឿងអ្នកធើ្វល្អមកនិយាយក្នុង
ពេលសន្ទនា។
១៣.កូនត្រូវអាស្រ័យបញ្ញា ពិចារណាចំពោះអ្នកដទៃដែល
នៅជុំវិញខ្លួនកូន ដោយកូនមិនត្រូវ​អាងចំណាចអ្វីមួយហើយ
ចាំ​តែចាប់កំហុស​គេឡើយ។
១៤.កូនគួរតែរកពេលវៀរចាកការនិយាយមិនល្អ ឬវៀរចាក
ការខឹង​ក្រោធ យ៉ាងតិចឱ្យបាន​មួយថ្ងៃក្នុងមួយសប្ដាហ៍ទោះ
ជាថ្ងៃណាក៏បានដែរ។
១៥.កូនត្រូវសាងឧបនិស្ស័យជួយអ្នកដទៃ ក្នុងការងារអ្វីដែល
កូនអាចធើ្វបាន ដោយមិនសម្លឹងផលតបស្នងពីគេវិញត្រូវ
សន្សំសន្ដានករុណាឱ្យកាន់តែមាំទាំ មុននឹង​លាចាកលោក
នេះទៅ។

៚ទឹកចិត្តល្អបីដូចជាព្រះព្រហ្មដែលស្ថិត ក្នុងខ្លួនមនុស្ស៚

ដកស្រង់ចេញពី៖ សៀវភៅកូនមាសឪពុក