គតិលោក ភាគ៣: ភ្នំក្រោមនៅសៀមរាប

គតិលោក ឬច្បាប់ទូន្មានខ្លួន ភាគ៣
រៀបរៀង ដោយ ឧកញ៉ាសុត្ដន្ដប្រីជា ឥន្ទ
ចម្លងតាមការផ្សាយរបស់ពុទ្ធសាសនបិណ្ឌត្យ
ព.ស ២៥៣៩

ភ្នំក្រោមនៅសៀមរាប

    មួយទៀត មានអ្នកខ្លះទៅជឿពាក្យព្រេងនិយាយកុហកកូនក្មេងតមកថា ភ្នំក្រោមនៅស្រុកសៀមរាប១ ភ្នំត្រងិល នៅស្រុកជើងព្រៃ១ ភ្នំទាំង២នេះ ពុំមានដើមឈើដុះលើច្រូងច្រាង ដូចយ៉ាងភ្នំឯទៀត គឺភ្នំនេះ កាលព្រះរាមចងថ្នល់លើកពលពួកពានរទៅយុទ្ធនានឹងក្រុងរាពណា សូរ នៅកោះលង្កា បានប្រើអោយកំហែងចងភ្នំតូចធំនឹងសរសៃរោមហើយហោះមក ឯភ្នំពីរនេះដាច់ចាករោមហនុមានធ្លាក់សំយុងចុះក្រោម បាតឡើងលើ ទើបឈើមិនដុះបាន កូនក្មេងឥតសតិបញ្ញាក៏ជឿតាម ប្រកាន់មាំថាមែន ដល់ខួនចាស់ក៏នៅតែជឿ ព្រោះពុំមានសតិសម្បជញ្ញៈ នឹងពិចារណាមើលហេតុ មើលបច្ច័យធម្មតាលោកឡើយ ដូចនិទានរឿង តាហួលានមានកូនប្រសារ២នាក់។ ចៅបងជាមនុស្សឥតសតិបញ្ញា លឺតែអាពុកក្មេកថាដូចម្ដេចក៏ធ្វើតាម ឯតាហួលានក៏ស្រលាញ់រាប់អានចៅបងនោះ។ ឯចៅប្អូនពុំគាប់ចិត្ដអាពុកក្មេក ព្រោះជាអ្នកមានសតិ បញ្ញាមិនផ្សំមិនប្របតាមការខុស ការមិនគួរជឿ។

ប្រភព៖ មណ្ឌលវប្បធម៌ខ្មែរនៅស្វីស