១២- កូនមាសឪពុក

មនុស្សគ្រប់រូបដែលកើតមកក្នុងលោក រមែងមានការទាក់
ទងគ្នាដោយពាក្យនិយាយ ពាក្យនិយាយមានអំណាចដ៏ក្រៃ
លែង កូនត្រូវ​យល់ដូចតទៅ៖
១-ពាក្យនិយាយអាចដូរផ្លាស់ហេតុអាក្រក់ ឱ្យក្លាយមកជា
ហេតុល្អបាន។
២-ពាក្យនិយាយអាចដូរផ្លាស់មនុស្សដែលមានទុក្ខឱ្យភ្លេច
ទុក្ខបាន។
៣-ពាក្យនិយាយអាចដូរផ្លាស់មនុស្សខ្ជិល ឱ្យមកជាអ្នកមាន
ព្យាយាមបាន។
៤-ពាក្យនិយាយអាចដូរផ្លាស់មនុស្សល្ងង់ ឱ្យមកជាមនុស្ស
ឆ្លាតបាន។
៥-ពាក្យនិយាយ អាចដូរផ្លាស់មនុស្សដែលកំពុងមានកង្វល់
ឱ្យជាមនុស្សស្ងប់បាន។
៦-ពាក្យនិយាយ អាចដូរផ្លាស់​មនុស្សចចេសរឹងរូសឱ្យត្រឡប់
មកជាមនុស្សប្រដៅងាយបាន។
៧-ពាក្យនិយាយ អាចដូរផ្លាស់មនុស្សដែលខូចសតិឱ្យមាន
មានសតិវិញបាន។
៨-ពាក្យនិយាយអាចធើ្វឱ្យមនុស្សឈ្លោះគ្នា ទៅជាល្អនឹង
គ្នាបាន។
ចំពោះពាក្យនិយាយនេះ រមែងមានអំណាចដូចគ្នាដែរ គឺ
អាចនិយាយឱ្យមនុស្សខូចប្រយោជន៍ និយាយ​ទម្លាយ​នូវ
សេចក្ដី​សុខចម្រើនរបស់អ្នកដទៃ បានគ្រប់យ៉ាងដូច្នេះ កូន
ត្រូវ​បដិបត្តិក្នុងការនិយាយ​ឱ្យបានហ្មត់ចត់ កូន​ត្រូវហាត់
និយាយនៅក្នុងវាចាល្អ ៥ យ៉ាង៖
១.និយាយពាក្យពិត មិននិយាយឡេះឡោះ
២.និយាយពាក្យពីរោះ មិននិយាយញុះញង់
៣.និយាយពាក្យត្រឹមត្រូវតាមកាលៈទេសៈ
៤.និយាយឱ្យបានប្រយោជន៍ដល់អ្នកស្ដាប់
៥.និយាយដោយចិត្តមេត្តា ប្រាថ្នា​ឱ្យអ្នកដទៃបាននូវសេចក្ដី
សុខ ឬនិយាយដោយចិត្តសប្បុរស ស្មោះត្រង់មិននិយាយ
របៀប ព្រួសពិសដាក់អ្នកដទៃឡើយ។

ដកស្រង់ចេញពី៖ សៀវភៅកូនមាសឪពុក