១៣-កូនមាសឪពុក

ឪពុកប្រាថ្នាឱ្យកូនបានចូលដល់សេចក្ដីល្អ១០ប្រការ៖
១-កូនត្រូវជាអ្នកមានសីលធម៌ប្រចាំខ្លួន
២-កូនត្រូវស្វែងរកការចេះដឹង​មកដាក់ខ្លួន
៣-កូនត្រូវគប់រកតែជាមួយមិត្តពិតប្រាកដ
៤-កូនត្រូវជាមនុស្សប្រដៅងាយ
៥-កូនត្រូវចេះជួយកិច្ចការអ្នកដទៃ
៦-កូនត្រូវចេះស្រឡាញ់ធម៌សប្បុរស
៧-កូនត្រូវមានព្យាយាមអំណត់អត់ធន់
៨-កូនត្រូវ​សន្ដោសចំពោះបច្ច័យ៤
៩-កូនត្រូវមានស្មារតីដឹងមុខនាទីរបស់ខ្លួន
១០-កូនត្រូវដឹងសេចក្ដីពិតរបស់ជីវិត គឺត្រូវដឹងថាគ្រប់ជីវិត
ដែលកើតមកហើយរមែងបែកធ្លាយជាធម្មតា ទើបមិនគួរ
ប្រមាទក្នុងជីវិត និងត្រូវ​រកផ្លូវឱ្យបានផុតទុក្ខ​ដោយការ​ប្រព្រឹត្ត
តែអំពើល្អ។

ឪពុកសូមឱ្យកូនកុំជាមនុស្សដែលមិនចេះគ្រប់ សូមឱ្យកូន
បានស្គាល់រសជាតិនៃការគ្រប់គ្រាន់ និងសូមឱ្យកូន​ចាំទុក
ថា មិនមានរបស់ណាក្នុងលោក ដែលអាចធើ្វឱ្យ​កូនបាន
ឆ្អែតគ្រប់គ្រាន់ ក្រៅតែពីកូនខ្លួនឯងព្រមគ្រាប់នោះឡើយ
និងម្យ៉ាងទៀត ក្នុងលោកនេះដែរ មិនមានអ្វីណាដែលល្អ
សម្រាប់ខ្លួនកូន ឱ្យក្រៃលែង​ជាងកូនជាមនុស្សល្អនោះទេ។

*សម្បត្តិក្នុងលោកមិន​អាចគ្រប់ មិនអាចបញ្ឈប់នូវតណ្ហា
មានតែខ្លួនឯងឈប់ត្រូវការ ដោយសារបញ្ញាទើបបានគ្រប់។

សម្បត្តិក្នុងលោកមិនអាចល្អ ស្មើនឹងធម៌សចាំចាកភព
ធម៌ពិតកូនឪត្រូវសេពគប់ ព្រមទាំងគោរពខ្លួនឯងផង។

ដកស្រង់ចេញពី៖ សៀវភៅកូនមាសឪពុក